Category: Fréttir

Cezary Fijalkowski fékk frábæra kvöldveiði í Vífilsstaðavatni í ljósaskiptum um kl. 21.   Hann fékk 4 punda urriða og missti tvo.  Hann fékk einnig fína veiði á laugardagskvöldið. 

Hann Cezary virðist kunna vel á urriðan, en í fyrra fékk hann mjög góða urriðaveiði í Þingvallavatni. 

 

Í sumar hafa menn verið að veiða nokkrar vel vænan bleikjur á Þingvöllum.  Þórhallur Guðmundsson sendi okkur mynd af þessari stórglæsilegu sílableikju sem hann fékk á Þingvöllum í júní.  Bleikjan var 62cm og um 7 pund að þyngt og vel í holdum. 

Haukadalsvatn – fín sjóbleikjuveiði síðustu daga.

Töluvert hefur verið að ganga af sjóbleikju í Haukadalsvatn og veiðimenn hafa verið að fá fína veiði.   Leyfilegt er að veiða í Haukadalsvatni fyrir landi Vatns til 30. september.

Einnig óskum við eftir fréttum af vatnsvæðum Veiðikortsins þannig að ef þú ert nýkomin úr veiði endilega sendu okkur línu á veidikortid@veidikortid.is

Það er búið að vera fín veiði í sumar í Þveit.  Menn hafa verið að fá mest af urriða, sjóbirting og meira að segja töluvert af álum hafa veiðst.  Margir urriða í kringum 4-5 pundin hafa komið á land.  Töluvert af sjóbirting gengur í Þveit og er því hægt að veiða þarna eitthvað inn í haustið, en veiði er leyfð til 30. september.

Það voru kjöraðstæður á Þingvöllum í morgun.  Hitinn um 14-18 gráður og nánast logn en þó smá gára á vatninu.  Við hittum Hans Van Klinken, stórveiðimann og virtan fluguhnýtara, á Þingvöllum og var þetta fyrsta skipti sem hann veiðir í vatninu og má segja að vatnið hafi tekið vel á móti honum. 

Það var fínt veður um síðustu helgi fyrir austan og Ríkharður og Jón Hugi skemmtu sér vel með Veiðikortið í hönd, en þeir kíktu í Þveit og Mjóavatn í Breiðdal.

Hér má sjá nokkrar myndir sem Ríkharður sendi okkur

Það virðist vera sem urriðastofninn sé að styrkjast og fréttir berast af mörgum stórurriðanum sem veiðst hefur nú í sumar.  Guðmundur Jónasson skellti sér í Þingvallavatnið um síðustu helgi og var hann ánægður með afraksturinn, en hann veiddi stórglæsilegan 19 punda urriða.

Á fréttavef www.svfr.is er sagt frá ævintýralegum urriða sem Börkur Birgisson veiddi í gærkvöld:

"Í gærkveldi veiddist sannkallað ferlíki í Þingvallavatni. Börkur Birgisson sem var þar á ferð í nepjunni seint í gærkveldi sagði að veiðihugurinn hefði sótt á sig og hann hefði látið sig hafa það að rjúka í veiðigallann í kuldanunum og halda á Þingvöll í fyrsta sinn í vor. Afraksturinn varð meðal annars sannkallað ferlíki er Börkur landaði 25 punda urriða.

Það hefur farið talsvert leynt yfir veiðinni í Vatnsdalsvatni og lítil umfjöllun verið um vatnið, en vatnið er frægt fyrir fallegar bleikjur og umhverfi.  Magnús Á. Sigurgeirsson stundar vatnið talsvert og fékk fallegar bleikjur þar núna í maí.