Ölvesvatn – Skagaheiði – Veiðikortið

Veiðisvæðið

Veiði er heimil á öllu vatnasvæðinu, þ.e.a.s. Ölvesvatni, Fossvatni, Selvatni, Heyvötnum, Grunnutjörn, Andavatni, Stífluvatni, Eiðsá, Fossá , auk lækja sem renna á milli vatna.

Gisting

Hægt er að kaupa leyfi til að tjalda á Hvalnesi auk þess sem að við Ölvesvatn er hægt að leigja tvö aðstöðuhús með eldunar- og gistiaðstöðu fyrir allt að 6 manns í hvoru húsi. Þar er kamar. Aðstöðuhúsin þarf að panta með fyrirvara hjá umsjónarmanni í Hvalnesi í S: 453-6520 eða S: 893-7756 eða senda tölvupóst á netfangið hvalnes730@simnet.is.

Veiði

Á vatnasvæðinu er bæði bleikja og urriði. Mikið er af ½ - 3 punda fiski á vatnasvæðinu, ásamt urriða, sem getur orðið allt að 6-7 pund.

Agn

Leyfilegt agn er fluga, maðkur, makríll og spúnn. Góð aðstaða er til fluguveiða.

Besti veiðitíminn

Veiði er nokkuð jöfn yfir daginn.

Reglur

Aðgengi að veiðisvæðinu er takmarkað og verður að hringja áður og panta áður en mætt er á staðinn. Bókanir með aðstöðuhúsi njóta forgangs.

Veiðikortshafar þurfa að skrá sig í Hvalnesi og fá lykil að svæðinu. Sýna þarf Veiðikortið og skilríki. Netaveiði er stranglega bönnuð svo og meðferð skotvopna. Einnig er bannað að skilja eftir sig rusl og aka utan vega. Börn yngri en 14 ára veiða frítt í fylgd með korthafa.  Í Hvalnesi fá veiðimenn veiðiskýrslur til útfyllingar og upplýsingar um svæðið. Veiðiskýrslum og lyklum ber að skila við lok veiða í Hvalnesi. Einnig þarf að ganga frá tjaldstæði á Hvalnesi ætli menn sér að vera yfir nótt.

Athugið að svæðið er lokað fyrir öðrum en þeim sem hafa veiðileyfi/kort og börnum í fylgd korthafa undir 14 ára aldurs, þ.e.a.s. að fullorðnum einstaklingum er óheimilt að fara inn á svæðið nema með veiðileyfi eða Veiðikortið.