Category: 2013

Það er fátt skemmtilegra en að vera upp á Skagaheiði í faðmi fjölskyldu eða vina þegar vel viðrar og vel fiskast.  Róbert Daníel og fjölskylda skelltu sér á heiðina fyrir nokkru og áttu góðan dag á heiðinni.

Myndirnar tala sínu máli og fengum við lánaðar nokkrar myndir frá Róberti sem lýsa svo vel upplifunni sem fylgir verunni upp á heiði við falleg veiðivötn.  Þau veiddu aðallega í Ölvesvatni.

Það er eins og bleikjan í Úlfljótsvatni sé ánægð með rigningu síðustu daga, en veiðimenn hafa verið að veiða vel þar jafnt smá sem stóra fiska.

 

Halldór Gunnarsson er búinn að veiða reglulega í vatninu og vill hann meina að nú fyrst sé vatnið að almennilega að lifna við.  Hann sá mikið líf og fékk tvær sannkallaðar "kusur" er hann var við veiðar í vatninu í gær.  Stærri bleikjan vóg um 6 pund og sú minni um 4,5 pund. 

Það hefur verið góður gangur í vötnunum síðustu daga.  Veiðimenn hafa verið að fá fína veiði í öllum landshlutum.  Við höfum fengið talsvert af veiðifréttum síðustu daga frá mest sóttu vötnunum, en köllum eftir fréttum frá fleiri vötnum.  

Hér kemur smá pistill með fréttum frá veiðimönnum síðustu daga.

Nú er draumatími vatnaveiðimannsins í hámarki.  Bjartar nætur og fiskur á mikilli hreyfingu um vötnin. 

 

Við höfum heyrt af góðri veiði í flestum vötnum sem við höfum eitthvað frétt af. 

Kristinn Jóhann Lund fór ásamt tveimur félögum sínum á Melrakkasléttuna föstudaginn 14. júní.  Þeir voru við veiðar milli 8 og 16 og lönduðu þeir 30 fiskum, bæði bleikjum og urriðum. Bleikjan var um 1-1,5 pund og urriðarnir stærri eða um 2-3 pund.

 

Hér má líta mynd þar sem búið er að teikna inn á hvar veiðimönnum sem ætla að veiða við Kríunes og Vatnsenda er ætlað að leggja bílum sínum.

Talsvert hefur borið á því í vor og sumar að veiðimenn leggi bílum sínum á og við veginn sem liggur að Sveinstöðum og jafnvel við innkeyrslur íbúa við Vatnsendablett. 

Það hefur verið mjög góð veiði síðustu daga á Skagaheiði þrátt fyrir að allt lífríkið virðist vera seinna á ferðinni.   Það má í raun segja að sumarið hafi komið 2-3 vikum seinna en vant er.  Þessa stundina eru fullt á svæðinu, en takmörkun er á stangarfjölda á vatnasvæðinu þannig að þeir sem ætla sér að fara norður á næstu dögum er bent á að hafa samband við staðarhaldara á Hvalnesi fyrst í síma 453-6520.

 

Bleikjan er að aukast og skilyrði að batna í Hraunsfirði, en búið er að vera skelfilegt veiðiveður þar síðustu daga út af vindi.

Veiðimenn hafa þó mætt á svæðið og fengið ágætis afla. 

Tómas Skúlason skaust í Hraunsfjörðinn fyrir nokkrum dögum og var að veiða í aðeins tvo tíma út af veðri, en hann ásamst félaga sínum fengu 5 flottar bleikjur.