Fréttir

Það virðist vera sem urriðastofninn sé að styrkjast og fréttir berast af mörgum stórurriðanum sem veiðst hefur nú í sumar.  Guðmundur Jónasson skellti sér í Þingvallavatnið um síðustu helgi og var hann ánægður með afraksturinn, en hann veiddi stórglæsilegan 19 punda urriða.

Á fréttavef www.svfr.is er sagt frá ævintýralegum urriða sem Börkur Birgisson veiddi í gærkvöld:

"Í gærkveldi veiddist sannkallað ferlíki í Þingvallavatni. Börkur Birgisson sem var þar á ferð í nepjunni seint í gærkveldi sagði að veiðihugurinn hefði sótt á sig og hann hefði látið sig hafa það að rjúka í veiðigallann í kuldanunum og halda á Þingvöll í fyrsta sinn í vor. Afraksturinn varð meðal annars sannkallað ferlíki er Börkur landaði 25 punda urriða.

Það hefur farið talsvert leynt yfir veiðinni í Vatnsdalsvatni og lítil umfjöllun verið um vatnið, en vatnið er frægt fyrir fallegar bleikjur og umhverfi.  Magnús Á. Sigurgeirsson stundar vatnið talsvert og fékk fallegar bleikjur þar núna í maí. 

Það var gaman að koma að Vífillsstaðavatnið rétt fyrir kl. 9 í morgun.  Veðrið var frábært, 7° hiti, og margt um manninn á bökkum vatnsins og margir að setja í fiska.  Atli Sigurðsson var mættur um hálf átta og var á ljúka veiðum með 4 bleikjur í farteskinu sem elda átti í hádeginu.  Hér má sjá nokkrar myndir sem teknar voru í morgun 1. apríl 2007 fyrir kl. 9.00.

Við bíðum eftir fréttur úr hinum vötnunum sem opnuðu í morgun, en væntanlega eru einhverjir sem hafa lagt leið sína í Hraunsfjörðinn.

Okkur voru að berast myndir frá Skúla Matthíassyni sem var við veiðar í Ölvesvatni í lok júlí.  Það er greinilegt að urriðinn er í góðum holdum á þessum tíma og þetta er svo sannarlega glæsileg veiði. Þeir félagar fengu um 130 silunga! 

 

Fengum sendar myndir frá Alex Lee Rosado af glæsilegri veiði úr Hraunsfjarðarvatni sem teknar voru 16. júlí 2006. Yfirleitt gefur urriðinn sig best í ljósaskiptun.  Þetta eru fallegir fiskar.

Veiðiferð í Hítarvatn 2006

Við félagarnir höfum farið síðustu 3 ár í Hítarvatn á þessum árstíma.

Við göngum inn í botns Hítarvatns alls 6.2 km og tjöldum og veiðum.

Daginn eftir er gengið heim með aflann og veitt á leiðinni.

Góði veiði er búin að vera í Ljósavatni.  Sveinn Þór Arnarsson, stórhnýtari með meiru, var búinn að heyra fréttir af góðri urriðaveiði í vatninu.  Hann fór í gærmorgun og kannaði málið og má sjá afraksturinn á meðfylgjandi mynd.

Mikið líf er búið að vera í Sléttuhlíðarvatni og hafa veiðimenn verið að fá allt upp í 40 fiska yfir daginn.  Þegar ritstjóri átti leið um var fiskur að vaka um allt vatn og voru veiðimennirnir Daði og Þorkell að ljúka veiðum með um 40 fiska og ánæðgir með daginn.