Fréttir

Urriðadansinn á Þingvöllum

URRIÐADANS Í ÖXARÁ
Hinn árlegi Urriðadans í Öxará verður laugardaginn 16. október og hefst klukkan 14:00.  Jóhannes Sturlaugsson hjá rannsóknafyrirtækinu Laxfiskum mun fræða gesti Þjóðgarðsins á Þingvöllum um urriðann í Þingvallvatni 20. skiptið.
Kynningin hefst við bílastæði P5 þar sem Valhöll áður stóð. Þaðan er gengið meðfram ánni upp undir Drekkingarhyl þar sem risaurriðar og aðrir minni verða skoðaðir og fjallað um lífshætti þeirra.
Gert er ráð fyrir því að kynningin taki um eina og hálfa klukkustund og fá gestir tækifæri til að sjá risaurriðann í návígi og fræðast um þennan stórhöfðingja Þingvallavatns sem á hverju hausti gengur upp Öxará til hrygningar.
Víða við þinghelgina eru bílastæði. Einna flest eru uppi á Haki (P1) og þaðan er um 1200 metra ganga að Valhallarstæðinu. Einnig er slatti af bílastæðum við P2 sem er nær því þar sem gangan endar. Endilega kynnið ykkur bílastæðin á korti sem fylgir myndum hér fyrir neðan.

Þegar viðburðurinn hefst upp úr 14:00 verður líklegast ekki fært til og frá bílastæði P5.

Gott væri ef þeir sem ætla að mæta skrái sig á viðburðinn á Facebook: https://www.facebook.com/events/242462311157954

Vatnasvæðin byrjuð að loka fyrir veiði

Í dag 15. september lýkur veiðitímabilinu í nokkrum vötnum eins og Elliðavatni, Þingvallavatni, Vífilsstaðvatni og Berufjarðarvatni. Síðar í mánuðinum lokar svo fleiri vötnum en um næstu mánaðarmót lýkur veiðitímabilinu í flestum vatnasvæðum Veiðikortsins.

Það er því um að gera að nota næstu daga vel áður en tímabilinu lýkur og veiðimenn fara að pakka græjunum.

Vona að þið veiðimenn og konur hafið átt góðar stundir í vötnunum í sumar.

Með kveðju,

Veiðikortið

Að njóta ljósaskiptanna

Nú er farið að styttast í annan endan á veiðitímabilinu og flestir veiðimenn búnir með sín sumarfrí og komnir í rútínu haustsins.

September er þó mánuður sem ekki má vanmeta í veiðinni. Ljósaskiptin njóta sín til hins ýtrasta og einmitt þá má lenda í ævintýrum á vötnum bakkanna sérstaklega þar sem von er á urriða.

Við hvetjum veiðimenn til að nýta þessar síðustu vikur veiðitímabilsins vel og endilega miðla veiðimyndum á Intagram með myllumerkinu #veiðikortid til að miðla upplýsingum til annarra veiðimanna.

Sauðlauksdalsvatn með væna fiska

Sauðlauksdalsvatn er eitt af náttúperlum Vestfjarða. Í næsta nágrenni við Rauðasand og Látrabjarg í um hálftíma fjarlægð frá Patreksfirði, liggur Sauðlauksdalsvatn umlukið hvítum skeljasandi sem er einkennandi fyrir svæðið.  Mario Ís hefur verið duglegur að veiða í Syðridalsvatni og það hefur heldur betur borgað sig, það hefur verið tiltörlega rólegt í sumar en fiskarnir sem hann er að veiða eru svakalegir! Stærsta bleikjan sem hann hefur fengið í sumar var 62cm og 4 kíló! Ekki er bara bleikju að fá heldur hefur Mario misst stórlax sem tók spún, hann straujaði út á mitt vatn áður en hann náði að slíta sig lausan.

Nýtt tjaldstæði við Þveit

Þar sem flest tjaldstæði eru að verða þétt setin fyrir Verslunarmannahelgina er rétt að benda á að ábúendur á Stórulág við vatnið Þveit var að opna nýtt tjaldsvæði fyrir rúmri viku.

Veiðimenn sem verða á faraldsfæti og ætla sér austur á firði geta kynnt sér þetta fína tjaldstæði þar sem má finna hreinlætisaðstöðu og rafmagn.  Það er alveg tilvalið að stoppa við Þveit og gista á tjaldstæði þeirra hjóna Jóhönnu og Sigurðar á Stórulág og njóta þess að veiða í Þveit á leiðinni austur.  Nánari upplýsingar um tjaldsstæðið má finna á Facebook-síðu þeirra

Góð silungsveiði í vötnunum

Þjóðgarðurinn klikkar ekki!

Jana Marín Finnsdòttir fór ásamt Brandi Brandssyni undir Arnarfell um helgina og veiddi þann síðarnefnda í kaf! Það var mikið líf og veðrið alveg dásamlegt. Hún fékk þessar glæsilegu bleikjur sem mældust 54 og 42cm, báðar tóku púpuna Ice Cream cone.

Við óskum Jönu til hamingju með þessa glæsilegu bleikjur!

Gleðilega þjóðhátíð!

Við óskum veiðimönnum gleðilegra þjóðhátíðar og fögnum 17. júní í samstarfi við Stangaveiðifélag Reykjavíkur við Elliðavatn milli 13-17 í dag.

Read more “Gleðilega þjóðhátíð!”

Vatnaveiðin að hrökkva í gang!

Það hefur heldur betur lifnað yfir vatnaveiðinni síðust daga og greinilegt að vætan og hækkandi hiti hefur góð áhrif á lífríki vatnanna. 

Veiðimenn hafa verið að fá fína veiða hvort heldur er fyrir sunnan, vestan, norðan og austan.

Read more “Vatnaveiðin að hrökkva í gang!”

Vatnaveiðimenn bíða eftir meiri hita

Það sem af er maímánuði hefur einkennst af talsverður kulda. Í raun hefur verið of kalt til að vataveiðin hafi farið á fullt, enda hefur næsturfrost verið nánast daglegt brauð víða.

Nú stefnir í aðeins jafnari hita en gott væri að fá a.m.k. nokkra daga með hærri hita til að skordýralífið komist á fullt skrið og þar sem fer fiskurinn á meiri ferð í leit að æti. 

Read more “Vatnaveiðimenn bíða eftir meiri hita”