Category: Fréttir

Stórurriði veiddist á Svartan Nobbler á Þingvöllum 11. júlí

Þann 11. júlí síðastliðinn fékk Kristófer Ásgeirsson glæsilegan urriðahæng á Svartan Nobble á Þingvöllum.  Fiskurinn 84 cm og vó rúmlega 12 pund. 

Það er sérstaklega gaman að heyra fréttir að því þegar menn fá slíka fiska á fluguna en flestir stórurriðarnir sem veiðst hafa í sumar hafa verið veiddir á beitu. 

Svo virðist sem að það sé mikil stemming á bökkunum í Hraunsfirði miðað við færslu á spjallaþræði á www.veidi.is

Bleikjan tekur vel en hún er dintótt og það getur þurft að skipta reglulega um flugu til að finna þá réttu.

Tengdafeðgarnir Lalli og Össi skelltu sér með tjaldvagn upp á Skagaheiði í norðanbáli og þoku, en þeir fiskuðu þó vel. 

Þeir tengdafeðgar fóru á Skagaheiðina 17-19. júní.  Ágætis veiði var og þeir hirtu 35 fiska sem flestir fengust á rauðan nobbler og Peacock með kúluhaus. 

Það er greinilegt að margir eru að ferðast innanlands í sumar.  Fleiri veiðimenn hafa a.m.k. heimsótt vötnin innan Veiðikortsins miðað við sama tíma í fyrra, a.m.k. miðað við tilfinningu veiðiréttareigenda. 

Þingvallavatnið hefur verið þétt setið og menn eru að fá fínar bleikjur, þrátt fyrir að murtan sé mikið á ferðinni.   Ef menn eru á bleikjuslóð og verða einungis varir við murtu getur verið ágætt að reyna að veiða neðar, þ.e.a.s. að láta fluguna eða agnið sökkvar dýpra.  Þá eru jafnan meiri líkur á að fá stærri kuðungableikjur.

19. júl. 2009

 

Enn veiðast fallegir urriðar!

Þrátt fyrir að urriðinn er ekki eins mikið við landið og á fyrri hluta sumars, þá er lengi von á einum.  Rögnvaldur Rögnvaldsson fékk einn 7 punda urriða þar 15. júlí.

Nú er ákjósanlegur tími til að veiða bleikjuna, ef mönnum þykir veðrið ekki vera of gott! 

Hér fyrir neðan má sjá glæsilegar myndir sem við fengum sendar frá Brandi.  Við þökkum kærlega fyrir myndirnar og hvetjum menn til að skoða þetta skemmtilega vatnasvæði.

Read more “Héðan og þaðan 5. júlí 2009”

Inga Dóra Halldórsdóttir og fjölskylda skelltu sér í fjölskylduferð í Sléttuhlíðarvatn fyrir norðan.  Þau fengu 48 fiska á laugardaginn og 58 á sunnudaginn.  Flestir fiskarnir voru veiddir á spún og af bát.

Stærðin á fiskunum voru frá tæpu pundi upp í 2 pund þeir stærstu.

Austurlandið:

Fengum fréttir frá Sigurberg Guðbrands og félögum sem byrjuðu í Víkurflóði og fengu þar 45 cm ál!  Eftir Víkurflóð fóru þeir í Þveit við Höfn í Hornafirði.  Þar fengu þeir 7 sjóbirtinga og meðan þeir voru þar var veiðimaður að draga á land 4 punda birting.   Einnig kíktu þeir félagar í Urriðavatn við Egilsstaði og fengu þar 4 bleikjur á bilinu 1-4 pund og misstu tvær um 2 pund.  Við eigum von á myndum frá þeim félögum þegar þeir koma í bæinn seinna í vikunni, en þeir munu væntanlega prufa fleiri vötn innan Veiðikortsins á leiðinni heim, en þeir eru að fara að veiða í Jöklu og Fögruhlíðará.

 

Björgvin Guðmundsson skaust eina kvöldstund í Úlfljótsvatn og fékk pattaralega bleikju á fluguna.

Það er fínn lofthiti og bleikjan farin að veiðast í auknum mæli við landið.  Hvetjum því menn til að nota góða veðrið og skella sér í veiði.  Í dag er veiðidagur fjölskyldunnar, þannig að það er frítt í fjölda veiðivatna vítt og breitt um landið.  Sjá eldri frétt um Veiðidag fjölskyldunnar.