Nú er sennilega að renna í garð einn skemmtiegast tíminn í Hraunsfirði þegar fjörðurinn iðar af lífi og fiskur að sýna út um allt vatn. Bleikjan er farin að bunka sig inn í vatn og lax farinn að stökkva í miklu mæli og þau sporðaköst halda veiðimönnum klárlega við efnið.
Góð veiði hefur verið upp á síðkastið í flestum vötnum landsins enda lífríkið á fullu og fiskar að byggja sig upp fyrir hrygningartímann.
Það var mikið lif um helgina á Þingvöllum og margir sem fóru með börnin sín þangað og uppskáru vel. Adam Lirio Fannarssong og Tryggvi Gunnar Tryggvason eru meðal þeirra sem fóru í vatnið um helgina með börnin sín í blíðaskaparveðri. Það var mikið líf í kringum vötnin um helgina enda frábært veður og lífríkið komið á fullt. Það er frábært tími framundan fyrir vatnaveiðimenn.
Birkir Már Harðarson kíkti í Hraunsfjörðinn í gær. Það var stafalogn og fallegt veður. Fiskur var að vaka um nánast allt vatn.
Það er búið að vera líf og fjör við Ölvesvatn upp á Skagaheiði það sem af er sumri. Við höfum heyrt í mörgum veiðimönnum sem hafa gert góða veiði og sumir segja að fiskur sé með stærra móti í ár þannig að hann virðist koma vel undan vetri.
Lárus Óskar fer í sína árlegu ferð upp á heiðina og fór hann að þessu sinni 18-21. júní. Þeir félagar fengu frábært veður þrátt fyrir þoku einn daginn, en það var hlýtt og gott veður. Honum þótti fiskarnir óvenju vænir þetta árið og fengu þeir félgar 90 fiskar og var óvenju mikið af bleikju í aflanum þetta árið eða um 50.
Nú er sá tími sem ætti að vera mjög góður fyrir bleikjuna á Þingvöllum. Svo virðist sem bleikja sé eitthvað seinna á ferðinni rétt eins og sumarið og kannski ekkert óeðlilegt við það miðað við hvernig veðurfarið hefur verið.
Tomasz Borkowski kíkti í Hraunfjörðinn fyrir fáeinum dögum. Hann veiddi fyrsta laxinn sem við fréttum af úr Hraunsfirðinum í sumar, 82 cm fiskur.
Við höfum fengið fyrirspurnir varðand stöðu mála við Hítarvatn. Veið könnuðum málið hjá Finnboga, bónda í Hítardal, og hann tjáði okkur að vegurinn upp að stíflunni sé nýheflaður og greiðfær, en vegurinn austurfyrir hraun er illfær. Auðvelt er því að komast að vatninu stíflumegin (þar sem gangnamannahúsið er) og ef menn vilja veiða í hrauninu er hægt að ganga ef menn treyst ekki bílum sínum austur fyrir hraun.
