Author: admin

Nú er sá tími runninn upp að veiðimenn eru farnir að iða enda stutt í að vorveiðin hefjist.  Birtan eykst með degi hverjum og veiðimenn farnir að yfirfara veiðibúnaðinn og fylla á fluguboxinn fyrir sumarið. Við heyrðum í Kristjáni Friðrikssyni hjá www.fos.is (Flugur og skröksögur) en hann heldur úti öflugum vef fyrir fluguveiðimenn þar sem er að finna gríðarlegt magn upplýsinga, jafnt um flugur, veiðiaðferðir, hnúta og fleira sem við kemur veiðinni auk þess sem þar má finna tengla í flottustu veiðimagasínin sem finnast á netinu.  Hér fyrir neðan kemur smá pistill sem hann setti saman fyrir okkur.  Við vekjum sérstaka athygli á skemmtilegum viðburði á Facebook sem hann stendur fyrir sem kallast Febrúarflugur.

Stundum er gott að geta skoðað Veiðikortsbæklinginn á vefnum því oft er bæklingurinn sjálfur ekki við höndina þegar á þarf að halda. 

Hægt er að skoða vefútgáfu af Veiðikortsbæklingnum með því að velja flýtileið á forsíðunni.  Einnig er hægt að prenta valdar síður fyrir þá sem t.d. tapa sínum bæklingi eða finna ekki rétt fyrir veiðiferð.

Veiðikortið 2015

Veiðikortið 2015 er væntanlegt úr prentun í næstu viku þannig að dreifing á því ætti að geta hafist í kringum 5-8. desember þannig að enginn fari nú í jólaköttin!

 

Aldrei hafa fleiri vatnasvæði verið i boði en fyrir komandi tímabil og munu korthafar geta veitt í 38 vatnasvæðum vítt og breitt um landið.