Við birtum fregnir af boltaurriða sem Cezary fékk í gær, en í dag fengum við einnig fréttir frá Wojcieck Sasinowski sem hefur kíkt í þjóðgarðinn síðustu kvöld til að eltast við urriðann. Síðustu daga hefur hann fengið þrjá fiska sem mældust 88, 89 og 91 cm.
Nú þegar aðeins tveir dagar eru eftir af veiðitímabilinu í Þingvallavatni er rétt að minna veiðimenn á að þegar rökkva tekur á kvöldin mætir risaurriðinn í meira mæli.
Nú er haustið fara að banka á dyrnar þegar veiðitímabilinu fer að ljúka formlega í nokkrum vötnum. Í dag er t.d. síðasti dagur veiðitímabilsins í Hítarvatni. Eftir rúmar tvær vikur eða 15. september verður lokað fyrir veiðar í Vífilsstaðavatni, Þingvallavatni, Elliðavatni og Berufjarðarvatni. Fleiri vötn loka fyrir veiðar 31. september.
Við hvetjum veiðimenn til að nota þessa síðustu daga vel en september er gjarnan skemmtilegur tími í vatnaveiðinni þrátt fyrir að dagarnir séu farnir að styttast.
Með veiðikveðju,
Veiðikortið
Aron Jarl Hillers skellti sér í þjóðgarðinn á Þingvöllum og fékk þennan fallega bleikjuhæng þar í fyrradag. Fiskurinn var 58 sm og tók hann Svartan kuðung #12. Bleikjan fékk síðan að synta aftur í vatnin að myndatöku lokinni enda á þessi hængur eflaust eftir að sinna ýmsum fiskiræktarmálum áður en vetur gengur í garð.
Lake Þingvallavatn is great at this time of year. The great char is coming closer to the banks to breed. Aron Jarl Hillers went there couple of days ago and got a very nice 58 cm char. Marcin was also fishing there on the same day and also got some nice chars. See below some pictures from them from their fishing trips.
Síðustu vikur hafa verið nokkuð góðar fyrir veiðimenn við Þingvallavatn. Veðrið hefur verið hagstætt og mikið af bleikju nálægt landi og veiðimenn verið að fá hörku veiði. Nú er einnig tekið að rökkva á kvöldin og ekki ósennilegt að urriðinn fari að sýna sig í meira mæli.
Svínavatn í Húnavatnssýslu er gjöfult og aðgengilegt veiðivatn skammt frá Blönduósi.
Nokkrir vaskir ungir veiðimenn kíktu í vatnið í landi Reykja um verslunarmannahelgina og fengu fína silunga á skömmum tíma á spún. Það er mikið af fiski í vatninu og þægileg aðkoma.
Það er sannkallaður draumatími silungsveiðimanna um þessar mundir. Bleikjan er komin nær landi og urriðinn farinn að færast nær landi þegar skyggja fer.
Veiðimenn hafa verið að fá flotta veiði úr Þingvallavatni síðustu daga í blíðunni. Björn Vigfús Metúsalemsson og Atli Bess Reynisson áttu frábæra vakt þar í morgun og lönduðu fallegum bleikjum eins og sjá má á myndunum hér fyrir neðan.
Við Úlfljótsvatn er í gangi alþjóðlegt skátamót World Scout Moot og stendur það fram á fimmtudaginn 3. ágúst.
Þangað til eru veiðisvæðin við kirkjuna og svæðið hjá skátunum lokað. Veiðimenn geta að sjálfsögðu veitt austan við skátasvæðið og farið niður í Borgarvík líkt og áður.
Vonum að þetta valdi veiðimönnum ekki óþægindum.
Mynd tekin í Borgarvík við Úlfljótsvatn. Þarna getur verið flott veiði þegar líða fer á júlí.
Með veiðikveðju,
Veiðikortið
Úlfljótsvatn hefur að geyma rígvæna urriða og veiðast þar nokkrir vænir á hverju ári.
