Við heyrðum í írska veiðimanninum Michael Murphy sem er orðinn fastagestur hér á landi, en hann veiðir mikið í kringum Hraunsfjörð. Hann og félagi hans, Iain Muir frá Achiltibuie í Skotlandi, eru búnir að vera síðustu daga í Hraunsfirði og Baulárvallavatni en ákváðu að prufa Haukadalsvatnið í gær. Á skömmum tíma fengu þeir um 10 bleikjur sem voru þó frekar smáar en þeir ætla að veiða þar betur í dag.
Það er mikið af vænum urriða á sveimi í þjóðgarðinum á Þingvöllum þessa dagana. Veiðin í vatninu í sumar hefur verið mjög góð og enn er fín bleikjuveiði og ekki skemmir fyrir að urriðinn sé að sýna sig í auknu mæli á þessum tíma.
Cezary Fijalkowski hefur stunda veiðarnar stíft í þjóðgarðinum í sumar og er hann búinn að landa yfir 70 urriðum. Uppistaðan er rígvænn urriði!
Cezary var í fyrrakvöldí vatninu ásamt félaga sínum Michal og fengu þeir svakalega dreka og Michal landaði einum 20 punda. Þeir félagarnir veiddu í raun langt framyfir ljósaskiptin og það lítur út fyrir að veiðin sé einna best þegar myrkrið skellur á. Það ber þó að benda veiðimönnum á að fara að öllu með gát ætli menn veiða fram í myrkur og nauðsynlegt að þekkja vel til.
Hér fyrir neðan koma nokkrar myndir af fiskunum sem þeim fengu í fyrrakvöld.
Með veiðikveðju,
Veiðikortið
Boltableikja í fyrsta kasti!
Júlía Björk Lárusdóttir er 8 ára og fór með föður sínum og vinkonu sinni, Emelíu Rut, að Þingvallavatni í morgun. Vopnuð flugu og floti kastaði hún út við Nautatangann og strax í fyrsta kasti veiddi hún 58 cm boltableikju. Það kom ekki til mála að sleppa henni þar sem þessi skyldi fara á grillið og bragðaðist hún vel. Það er óhætt að segja að veiðiferillinn byrji vel og er Júlía strax farinn að vilja fara aftur til veiða!
Skilyrðin það sem af er sumri hafa verið óvenju góð fyrir vatnaveiðimenn og konur. Mikil hlýindi í maí hafa valdið því að allt lífríkið fór snemma af stað og því búið að vera mikið fæðuframboð sem þýðir að fiskurinn er búinn að vera á mikilli hreyfingu í vötnunum og veiðimenn hafa verið duglegri að stunda veiðarnar sem hafa gengið vel.
Unnendur Hraunfjarðarins ættu að gleðjast núna – en mikið magn af bleikju hefur verið að ganga í fjörðinn. Veiðimenn hafa verið að fá allt upp í 50 stk.
Við heyrðum í Hauki Böðvarssyni, sem var þar við veiðar í gærmorgun og veiddi hann um 9 fallegar bleikjur á morgunvaktinni. Flestar bleikjurnar tóku örsmáar púpur og þurrflugur.
Cezary kíkti um kl. 21 í kvöld á Lambhagann í þjóðgarðinum.
Þar nældi hann í einn vænan en samtals er hann búinn að fá yfir 50 urriða í sumar! Það er því greinilegt að urriðinn er ennþá að flækjast í þjóðgarðinum. Hann varð var við fleiri urriða sem voru að bylta sér í yfirborðinu.
Bleikjuveiðin hefur einnig verið mjög góð auk þess sem bleikjan er óvenju vel haldin. Margir eru að fá mjög vænar bleikjur í vatninu en auðvitað er bleikjuveiðin sýnd veiði en ekki gefin. Óvenju góð veiði hefur einnig verið í flestum silungsveiðivötnunum sem við höfum haft spurnir af.
Með veiðikveðju,
Veiðikortið
Hlíðarvatn í Hnappadal – nýtt í Veiðikortinu 2019
Það er okkur sönn ánægja að kynna Hlíðarvatn í Hnappadal í landi Hraunholta sem nýtt vatn í Veiðikortinu. Veiðikortshafa geta því strax nýtt sér vatnið þrátt fyrir að það sé ekki í bæklingnum sem fylgir Veiðikortinu. Upplýsingasíðan fyrir vatnið er í vinnslu og verður tilbúin fljótlega en hér má sjá upplýsingar um vatnið.
Það er ánægjulegt þegar fjölskyldan fer saman í veiði og nýtur þess að vera út í náttúrunni og renna fyrir silung.
Kleifarvatn geymir mikið af rígvænum urriðum sem og bleikju. Miroslav Sapina kíkti þangað í fyrradag (27.4) og fékk einn verulega vænan urriða í vatninu sem var 86 cm að lengd og 18 pund að þyngd! Fiskurinn hjá honum tók 28 gr Toby spún.
Nú hefur veiðin farið vel af stað í flestum vötnunum. Við heyrðum í veiðimanni áðan sem staddur er í þjóðgarðinum og var hann búinn að fá eina 48 cm bleikju og tjáði okkur að það væri mikið af bleikju að vaka sem eru mjög góðar fréttir þar sem hún virðist vera snemma á ferðinni.
Mk,
Veiðikortið
