Category: Fréttir

01. apr. 2011

 

Meðalfellsvatn – flott byrjun. Rólegt í Vífilsstaðavatni í morgun.

Í Meðalfellsvatni voru skilyrði orðin fín til veiða og veðrið gott.  Cezary var þar í morgun en það var ekki margt um manninn og fékk hann þar 4 sjóbirtinga sem vógu 2-6 pund.  Allir fengust þeir á koparlitaðann Toby spún. 

Hans Ólason hjá Stangaveiðifélagi Hafnarfjarðar sendi okkur nokkrar myndir og textann hér fyrir neðan, en þeir félagar í SVH voru að sleppa um urriðaseiðum í þúsundatali.  Þess má geta að nokkur ár eru síðan þeir félagar slepptu gríðarlegu magni af urriðaseiðum sem hefur verið að skila sér í aukinni veiði síðustu ár, en menn hafa verið að fá mjög góða veiði þar upp á síðkastið.

Gefum Hans orðið:

Það var mikið rok í Hraunsfirði í gær, en það stoppaði þó ekki Hilmar til að skjótast í Hraunfjörðinn og renna fyrir fiski.  Í mestu vindhviðunum var varla stætt.

Á myndinni hér fyrir neðan má sjá frænda hans Hilmars með laxinn góða sem vóg 2,9 kg og veiddist á spún í Hraunsfirðinu þann 15. ágúst.

21. júl. 2010

 

Hún Cecilía Rán Rúnarsdóttir, 6 ára, veiddi glæsilegan urriða í Úlfljótsvatni 10. júlí sl.  Urriðinn vóg 8 pund og er hennar fyrsti fiskur.  Ekki dónaleg veiði það og óskum við henni innilega til hamingju með þennan fallega fisk.  

Það skemmtilega við Hópið er að hægt er að lenda í miklum ævintýrum, jafnt í bleikju, sjóbirting sem og jafnvel risalöxum á leiðinni í Víðidalsá!

Brynjar Ingólfsson var heppinn þanng 10. júlí, en þá fékk hann fjóra gullfallega sjóbirtinga og sá stærsti vóg 5,5 pund!  

Það hefur verið margt um mannin við veiðar í Kleifarvatni á Reykjanesi síðustu daga og vikur.  Mikið er að fiski í vatninu. 

Nú er laxinn farinn að ganga inn í Hraunsfjörð á fullum krafti og má sjá hann stökkvar um lónið.  Einnig er mikið af fiski fyrir neðan brú og er vert að taka það fram að stranglega bannað er að veiða við stífluna og fyrir neðan brú.  Stutt er í næsta straum þannig að það má búast við góðum göngum næstu daga.

Sigurberg og félagar fóru "vatnaveiði" hringinn eins og í fyrra.  Þeir fóru suðurleiðina og byrjuðu í Þveit.  Þar var mikið líf og fengu þeir um 30 fiska, frekar smá en þar var urriði, bleikja sem og nýgenginn sjóbirtingur í aflanum, þannig að hann er mættur á svæði!  Það er mjög mikið líf í Þveit og hentar það sérstaklega vel fyrir unga veiðimenn þar sem ekki þarf að vaða til að komast í fisk.  Þegar þeir voru að fara var maður að hefja veiðar með tvo unga veiðimenn með sér og voru þeir ekki lengi að setja í fiska! 

Nú leikur veðrið við landsmenn og veiðimenn duglegir að stunda vatnaveiðina.  Margir hafa verið að fá fína veiði síðustu daga.  Einnig er margt spennandi framundan eins og Veiðidagur fjölskyldunnar þann 27. júní nk sem og Fluguveiðinámskeið á Þingvöllum  þann sama dag kl. 16.00.  Enn er laust pláss á námskeiðið og þurfa menn að skrá sig fyrirfram.

Okkur hafa borist fréttir héðan og þaðan af vatnasvæðum Veiðikortsins.

Bleikjan virðist vera komin í Hraunsfjörð og vekur það upp mikla gleði hjá þeim sem stunda lónið og hafa verið að bíða eftir bleikjunni.  Einnig hefur lax sést stökkva í lóninu.  Ætla má að margir skelli sér í Hraunsfjörðinn um helgina og við bíðum spenntir eftir frekari fréttum og myndum þaðan.