Category: Fréttir

Ómar Smári Óttarsson átti skemmtilegan dag í Hraunsfirði þann 9. júní.  Hann fékk 6 fallegar bleikjur og hann tjáði okkur að það væri mikið af bleikju í firðinum.  Laxinn var aðeins farinn að ganga en ekki í miklu mæli.

Það er fátt betra en að njóta lífsins út í náttúrunni.  Rögnvaldur Rögvaldsson skaust á Þingvelli ásamt syni sínum.  Eftir vel heppnaðar stundir í vatninu og eftir að þeir höfðu fengið nokkrar fallegar bleikjur fannst syninum alveg tilvalið að leggja sig um stund á bakkanum.  Það er nákvæmlega þetta frelsi í bland við íslenska náttúru sem gerir vatnaveiðina að sælustund.

Einar Guðnason, kenndur við Fluguveiðiskólann Veiðiheim, skaust á Þingvelli fyrir nokkrum dögum ásamt félaga sínum og fengu þeir nokkrar fallegar bleikjur.   Þær voru ekki mældar né viktaðar en eins og sjá má á myndunum eru þetta stórglæsilegar bleikjur.

Við höfum fengið margar fréttir af veiðimönnum síðustu daga og má segja að veðrið síðustu daga hafi haft góð áhrif á lífríki vatnanna og er fiskurinn því farinn að taka sæmilega vel. 

Þingvellir:

Bleikjan hefur verið að sýna sig síðustu daga og margir fengið fína veiði og er bleikjan mjög væn eins og algent er fyrrihluta sumars.  Þórir Grétar fékk t.d. glæsilega 2kg bleikju þar í gærkvöldi. 

Við höfum fengið fregnar af veiði af hinum ýmsu stöðum og hér eru nokkrir punktar úr flestum landshlutum.

Read more “Héðan og þaðan – vötnin að hrökkva í gang!”

Síðast vika hefur verið frekar köld og engin hitamet fallið.  Þrátt fyrir það hafa veiðimenn verið að ná í einn og einn fisk í vötnunum. 

Það var aftur á móti fínasta veður við Vífilsstaðavatn í dag þegar Veiðibúðin Hrygnan hélt kynningu þar á veiðistöngum og bauð upp á grill.  Feðgarnir Haraldur og sonur hans Daníel Gunnsteinn voru að ljúka veiðum um kl. 13.00 og fengu þeir 7 fínar bleikjur.  Sérstaklega gaman að sjá þegar ungir veiðimenn hafa tekið ástfóstri við veiðarnar, en Daníel sem er að verða 16 ára og fer reglulega að veiða með föður sínum og virðist ekki gefa honum neitt eftir.

Það er búið að vera mikið um fallega fiska í þjóðgarðinum síðustu daga.  Við höfum heyrt að tugum fallegra urriða sem hafa veiðst þrátt fyrir að kuldinn hafi verið að hrella veiðimenn þegar líða tekur á daginn.

Mikal Wajtas kom til landsins ásamt félaga sínum gagngert til að veiða urriða í Þingvallavatni og þeir félagar fengu marga fallega fiska þá daga sem þeir voru við veiðar.  Einn fiskur stendur þó framar öðrum sem þeir fengu en hann vóg 9,2 kg!  Sannkallaður risaurriði sem fékk að synda áfram sína leið eftir baráttuna. 

Það var óvenju lífleg urriðaveiði þegar Þingvallavatnið opnaði formlega.  Margir veiðimenn fengu fallega fiska og var greinilegt að sjaldan hefur eins mikið af urriða verið á sveimi upp við vatnið. Bleikjan er hins vegar lítið farin að sýna sig, en sjálfsagt þarf meiri hlýindi til að svo megi verða. 

 

Cezary fór með tveimur sænskum veiðifélögum sínum þjóðgarðinn og lentu þeir í stórveiði og var megninu af fiskunum sleppt aftur, a.m.k. þeim sem voru í stærri kanntinum.  Þeir fengu í það minnsta 13 glæsilega urriða frá 3-15 pundum.  

Margir veiðimenn hafa sótt vötnin síðan  sum þeirra opnuðu 1. apríl.  Flestar hafa reynt fyrir sér í Vífilsstaðavatni og Meðalfellsvatni.  Einnig er rétt að benda mönnum á að Kleifarvatn opnar í dag.

Cezary skellti sér í Meðalfellsvatnið 13. apríl og fékk tvo 7 punda fiska, annar staðbundinn urriði en hinn sjógengið. 

02. apr. 2012

 

Meðalfellsvatn – meira frá opnun 1. apríl

 

Það var margt um manninn við Meðalfellsvatn 1. apríl og voru menn að veiða einn og einn urriða.