Category: 2017

Úlfljótsvatn: Hluti veiðisvæðist lokað vegna skátamóts.

Við Úlfljótsvatn er í gangi alþjóðlegt skátamót World Scout Moot og stendur það fram á fimmtudaginn 3. ágúst.

Þangað til eru veiðisvæðin við kirkjuna og svæðið hjá skátunum lokað. Veiðimenn geta að sjálfsögðu veitt austan við skátasvæðið og farið niður í Borgarvík líkt og áður.

Vonum að þetta valdi veiðimönnum ekki óþægindum.

Mynd tekin í Borgarvík við Úlfljótsvatn. Þarna getur verið flott veiði þegar líða fer á júlí.

Með veiðikveðju,

Veiðikortið

Risaurriði úr Úlfljótsvatni!

Úlfljótsvatn hefur að geyma rígvæna urriða og veiðast þar nokkrir vænir á hverju ári.

Read more “Risaurriði úr Úlfljótsvatni!”

Baulárvallavatn – fyrsti og annar!

Bo Agersten kíktí í Baulárvallarvatnið í fyrsta skipti í gær.  Þar fékk hann sína fyrstu urriða og hér fyrir neðan eru myndir frá honum, fiskunum og spúninum sem urriðarnir féllu fyrir, en fiskunum var sleppt aftur.

Read more “Baulárvallavatn – fyrsti og annar!”

Hraunfjörður og Baulárvallavatn. Woolly Bugger?

Michael Murphy er írskur veiðimaður sem er farinn að koma reglulega til Íslands þar sem hann sameinar áhugamálin sín, fjallgöngu og fluguveiðar. Í fyrra fór hann á Vestfirði og veiddi meðal annars í Syðridalsvatni en nú var ferðinni heitið á Snæfellsnes.

Read more “Hraunfjörður og Baulárvallavatn. Woolly Bugger?”

Hörku bleikjuveiði í Kleifarvatni á Reykjanesi

Marcin Kurleta hefur kíkt í Kleifarvatnið á Reykjanesi síðustu daga og veitt vel. Í fékk hann t.d. fallega 50 sm bleikju og brúnleita púpu en hann hefur fengið 17 bleikjur þar síðustu daga.

Read more “Hörku bleikjuveiði í Kleifarvatni á Reykjanesi”

Vötnin í góðum málum! Silungsveiðin í blóma!

Frábær helgi í vatnaveiðinni.

Við höfum heyrt í nokkrum veiðimönnum sem hafa kíkt í vötnin um helgina og allir á því að það sé mikið líf í vötnunum en að sjálfsögðu getur fiskurinn verið mistregur að taka eftir veðri, vindum og ætisframboði.

Read more “Vötnin í góðum málum! Silungsveiðin í blóma!”

Vatnaveiðin loksins að detta í gang!

Þrátt fyrir að júní hafi verið ágætur og blautur, þá er eins og vötnin séu að detta aðeins seinna í ganga en vanalega. Fyrst núna eru vötn eins og þjóðgarðurinn á Þingvöllum að lifna við hvað bleikjuna varðar a.m.k. Frekar rólegt hefur verið í Elliðavatni og tala veiðimenn um að vötnin séu enn óvanalega köld miðað við að það sé farið að nálgast júlímánuð.

Read more “Vatnaveiðin loksins að detta í gang!”

Góð veiði á Skagaheiði

Lárus Óskar og félagar fór í sína árlegu veiðiferð á Skagaheiði (Ölvesvatn) um síðustu helgi og fengu þeir frábær veður til útivistar og veiða.

Þeir veiddu vel að vanda en tala um að fiskurinn fari stækkandi. Þeir voru með mjög marga fiska sem voru 2-2,5 pund og einn sem var tæp 4 pund.  Þeir voru að veiða bleikju og urriða í bland.

Read more “Góð veiði á Skagaheiði”

Vestmannsvatn gaf vel í gær!

Það hafur verið fín veiði í Vestmannsvatni það sem af er sumri. 

Sveinn Þór Arnarsson, fluguhnýtari með meiru, kíkti í vatnið í gær ásamt veiðifélaga sínum. Þar var mikið líf og þeir lönduðu 18 fiskum. Mest urriða einn einnig nokkrum væntum bleikjum. Fiskarnir tóku flestir flugu eftir Svein sjálfan sem heitir Naggur, en það er ólífurgræn og rauð púpa sem gefur vel bæði í urriða og bleikju. Bleikjan tók mjög grant og settu þeir í margar sem náðust ekki á land.  Sveinn sagði að það hefði verið mjög góð taka meðan það var smá andvari, en um leið og það féll í dúnalogn snarhætti fiskur að taka en þess ber að geta að mikið flugnaklak var í gangi við vatnið í gær.

Read more “Vestmannsvatn gaf vel í gær!”

Kuðungableikjan mætt til leiks!

Svo virðist sem að kuðungableikjan sé loksins mætt í þjóðgarðinn og er hún vel væn. Wojciech Sasinowski var við veiðar í morgun og fékk hann 3 rígvænar kuðungableikjur.

Þegar sólin kom og fór að skína í morgun mætti kuðungableikjan til leiks. Þær voru mjög sýnilegar á milli 8 og 9 í morgun. Hann fékk 3 fallegar bleikjur sem voru á bilinu 3,5 – 4 pund.

Read more “Kuðungableikjan mætt til leiks!”