Hinn árlegi Urriðadans í Öxará verður þann 18. október en þá mun Jóhannes Sturlaugsson hjá rannsóknafyrirtækinu Laxfiskum fræða gesti Þjóðgarðsins á Þingvöllum um Þingvallaurriðann.
Kynningin hefst klukkan  kl. 14.00 og fer fram á bökkum Öxarár.

 
Gönguferðin hefst við bílastæðið þar sem Valhöll stóð. Síðan er gengið með ánni upp undir Drekkingarhyl þar sem risaurriðar og aðrir minni verða skoðaðir og fjallað um lífshætti þeirra.
 
Gert er ráð fyrir því að kynningin taki um eina og hálfa klukkustund og fá gestir tækifæri til að sjá risaurriðann í návígi og fræðast um þennan stórhöfðingja Þingvallavatns sem á hverju hausti gengur upp Öxará til hrygningar.
 
 
Mikill fjöldi hefur sótt Urriðadansinn síðustu ár.
 
Nokkrir höfðingjar komnir í búrið.
 
Jóhannes með einn tignarlegan í fanginu frá 2010.     Myndir: Cezary Fijalkowski 2011 og 2010
 
Með veiðikveðju,
Veiðikortið
 

0 Comments

Your email address will not be published. Required fields are marked *

Fyrri frétt
Veiðikortið 2015 kynnt á næstu dögum
Næsta frétt
Þín skoðun?