Ertu búinn að skrá þína fiska?

Veiðiskráningarleikur Veiðikortsins!
– Vinnur þú Veiðikortið 2025?

Samkvæmt lögum nr. 61 frá 2006 um lax- og silungsveiði ber veiðifélögum eða veiðiréttarhöfum að skila inn skýrslum til Hafrannsóknarstofu í umboði Fiskistofu um veiðar í hverju veiðivatni og veiðimönnum ber því skylda að skrá allan veiddan fisk í veiðibók.

Við höfum því reynt að gera skráningu afla auðveldari fyrir veiðimenn með því að setja upp rafræna veiðibók á vefnum okkar veidikortdis.is/veidiskraning og hvetjum við veiðimenn til að skrá skilmerkilega veidda fiskar þar inn.

Í nóvember munum við draga út 10 heppna aðila sem hafa skráð í veiðibók og eiga möguleika á að vinna Veiðikortið 2025.

Hjálpaðu okkur að safna gögnum fyrir Hafrannsóknarstofu til úrvinnslu eins og til að meta stofnstærðir, hlutfall urriða og bleikju í vötnum, meðalstærð fiska og fleira. Okkar hagur er að geta fengið betri gögn í skýrslur Hafrannsóknarstofnunar sem má finna hér. auk þess að geta fengið Veiðikortið 2025 í vinning.

 

Takk fyrir þitt framlag!

2024

Urriðadansinn á laugardaginn 12. október kl. 14:00

Árlegur urriðadans undir leiðsögn Jóhannesar Sturlaugssonar verður laugardaginn 12. október klukkan 14:00. Allajafna stendur viðburðurinn yfir í 90-120 mínútur.

Jóhannes Sturlaugsson hjá rannsóknafyrirtækinu Laxfiskum mun fræða gesti Þjóðgarðsins á Þingvöllum um  urriðann í Þingvallavatni , lífshætti hans og almennan hag.

Kynningin hefst við bílastæði P5 þar sem Valhöll áður stóð. Þaðan er gengið meðfram ánni upp undir Drekkingarhyl þar sem risaurriðar og aðrir minni verða skoðaðir og fjallað um lífshætti þeirra.
Gestir fá tækifæri til að sjá risaurriðann í návígi og fræðast um þennan stórhöfðingja Þingvallavatns sem á hverju hausti gengur upp Öxará til hrygningar.
2024

Varasamir vegir eftir rigningar

Við biðjum veiðimenn að fara með gát um vegi og slóða t.d. við Langavatn og Hraunsfjörð en þar hafa slóðar farið illa í rigningum síðustu daga.

Unnið verður að lagfæringu á næstunni við slóðann inn í Hraunfirði.

 


Hér má sjá veginn inn að Langavatni.

2021

Blautulón í Veiðikortið!

Veiðikortið bætir við Blautulónum sem er skemmtilegur kostur á hálendinu fyrir þá sem eru á ferð um Fjallabak.

Blautulón má finna á hálendinu í Skaftártungnaafrétti. Lónin eru tvö. Mest er af smábleikju í lóninu en þar má einnig veiða stærri ránbleikjur og stöku urriða.

Blautulón eru fjölskylduvænn veiðistaður þar sem mikið af fiski er í vatninu og flestir sem þar veiða fá fisk. Hér má veiða eins mikið og hver vill.

Við Blautulón ertu umvafinn eldfjallalandslagi, svörtum söndum og mosagrónum breiðum.

Vissara er að vera á sæmilegum bíl, jeppa eða jepplingi að minnsta kosti.

Við óskum eftir að veiðimenn sem kíkja uppeftir sendi okkur smá skýrslu um bæði veiði og einnig viljum við gjarnan fá myndir frá handhöfum Veiðikortsins.

Hér er hægt að skoða nánari upplýsingar um svæðið >> smella hér <<http://veidikortid.is/ofaerur

Góða skemmtun í sumar!
Veiðikortið

2024

Hítarvatn opnar næstu helgi. Vegurinn enn illfær!

Hítarvatn opnar ekki fyrr en næstu helgi og er vegurinn enn blautur og illfær.

Einhverjir veiðimenn hafa verið að laumast inn að vatni og þeir verið að lenda í vandræðum sökum þess að vegurinn er enn mjög blautur. Þegar blautir slóðar eru eknir fer það jafnan mjög illa með slóðana og umhverfisspjöll geta skapast.

Við viljum við minna menn á að ekki fara upp að Hítarvatni fyrr en búið er að opna veginn um næstu helgi!

Með kveðju,

Veiðikortið

2024 Fréttir

Veiðigleði við Elliðavatn á sumardaginn fyrsta

Á sumardaginn fyrsta hefst veiðitímabilið í Elliðavatni. Af því tilefni bjóða Skógræktarfélag Reykjavíkur, Veiðifélag Elliðavatns og Veiðikortið  til veiðigleði kl. 10-14 fimmtudaginn 25. apríl við Elliðavatnsbæinn.

Boðið verður upp á leiðbeiningar og góð ráð um vatnaveiði. Caddisbræðurnir Hrafn og Ólafur Ágúst ásamt Ólafi Tómasi í Dagbók Urriða, sem saman standa að Tökustuði (tokustud.is), verða á staðnum. Starfsmenn Skógræktarfélags Reykjavíkur verða á staðnum og kynna félagið. Hressing í boði í tilefni dagsins. Öll velkomin og frítt að veiða í vatninu.

Dagskrá:

  • Kl. 10–14: Aðstoð við veiðimenn, leiðbeiningar og góð ráð er varða veiði í Elliðavatni.
  • Kl. 11: Kynning frá Tökustuði (Caddisbræður og Ólafur Tómas)  – örnámskeið og fyrirlestur í Elliðavatnsbænum um vatnaveiði með áherslu á Elliðavatn.

Veiðimenn og unnendur Elliðavatns eru hvattir til að mæta og fagna komu veiðisumarsins. Þetta er einnig kjörið tækifæri fyrir nýliða til að kynna sér veiði í Elliðavatni. Veiðimenn geta keypt Veiðikortið á staðnum.

 

Um veiði í Elliðavatni

Elliðavatn er vinsælasta veiðivatn höfuðborgarsvæðisins og afar gjöfult. Veiðitímabilið hefst á sumardaginn fyrsta og lýkur 15. september og er daglegur veiðitími frá kl. 7:00 -24:00. Vatnið er í rúmlega 70 m hæð yfir sjávarmáli og um 1,8 km2 að flatarmáli, mesta dýpi er rúmir 2 m en meðaldýpi um 1 m. Í Elliðavatnið renna Bugða og Suðurá. Hólmsá heitir áin nokkru ofar, áður en hún skiptist í Bugðu og Suðurá. Í vatninu eru bleikja, urriði, lax og stöku sjóbirtingur. Bleikjan var ríkjandi í vatninu en síðasta áratug hefur urriðinn sótt í sig veðrið og er nú að verða algengasta fiskitegundin í vatninu. Lax og sjóbirtingur ganga í vatnið úr Elliðaánum og upp í Hólmsá. Jöfn veiði er í vatninu en vatnið er þó sérstaklega vinsælt í maí. Ýmsar upplýsingar um veiði í Elliðavatni má finna á vef Veiðikortsins (sjá hér) og fróðleik og góð ráð má finna í bæklingi um veiði í vatninu eftir Geir Thorsteinsson hér.

Hér má finna hlekk á viðburðinn á Facebook.

 

Hér eru nokkrar myndir frá viðburðinum 2023.

2021

Veiði hefst í Kleifarvatni 15. apríl!

Þrátt fyrir að jörð skelfi á Reykjanesinu og jarðskjálftamælar titri, þá hefst veiði í Kleifarvatni á morgun, 15. apríl.

Fyrstu dagar tímabilsins er jafnan eftirsóttir þar hjá þeim sem eru í urriðaleit, en vatnið er frægt fyrir sína vænu urriða. Það er svo ekki fyrr en það fer að hlýna að bleikjan fari að sýna sig.

Þetta er allt að fara í gang!

Góða skemmtun!

Með kveðju,

Veiðikortið

2024

Ískalt upphaf veiðitímabilsins 2024!

Það var vægast sagt kalt um að lítast við Vífilsstaðavatn í morgun, en það var að mestu leyti ísilagt. Einnig var vindasamt þannig að þó svo það hefi bara verið -2° virkaði eins og það væri enn kaldara. Einhverjir veiðimenn tóku þó nokkur köst á þau vik sem voru íslaus.

Önnur vötn eru ísilögð enda mikið frost og vetrarharka verið um landið síðustu daga. Hringvegurinn er lokaður og nánast ófært á vegum á norðurlandi.

Við verðum því að standa þetta veðurfar af okkur og bíða eftir betri tíð.

Gleðilegt veiðitímabil!

2024

Veiðikortið 2024 komið út!

Veiðikortið 2024 er komið út og því er hægt að lauma því í jólapakka landsmanna.

Með Veiðikortinu má veiða í 36 vatnasvæðum vítt og breitt um landið fyrir aðeins kr. 9.900.- og rétt er að benda á að mörg stéttarfélög niðurgreiða kortið til sinna félagsmanna.

Litlar breytingar verða á vatnasvæðum á milli ára, en Leirvogsvatn í Mosfellsbæ bætist við en á móti detta út vötnin í Breiðdal, Mjóavatn og Kleifarvatn.

Hæg er að kaupa Veiðikortið 2024 bæði rafrænt eða sem gamla góða plastkortið og fá það sent heim án aukakostnaðar.


Stórveiðimaðurinn Bjarki Bóasson prýðir forsíðu Veiðikortsins 2024, en hann hefur verið duglegur að veiði á vötnum Veiðikortsins síðustu ár. Hægt er að fletta bæklingnum rafrænt hér:

Með kveðju,

Veiðikortið

2021

Urriðadans í Öxará 14. október kl. 14

Árlegur urriðadans undir leiðsögn Jóhannesar Sturlaugssonar verður laugardaginn 14. október klukkan 14:00. Allajafna stendur viðburðurinn yfir í 90-120 mínútur.

Jóhannes Sturlaugsson hjá rannsóknafyrirtækinu Laxfiskum mun fræða gesti Þjóðgarðsins á Þingvöllum um  urriðann í Þingvallavatni , lífshætti hans og almennan hag.

Kynningin hefst við bílastæði P5 þar sem Valhöll áður stóð. Þaðan er gengið meðfram ánni upp undir Drekkingarhyl þar sem risaurriðar og aðrir minni verða skoðaðir og fjallað um lífshætti þeirra.
Gestir fá tækifæri til að sjá risaurriðann í návígi og fræðast um þennan stórhöfðingja Þingvallavatns sem á hverju hausti gengur upp Öxará til hrygningar.

Hér er Jóhannes með einn höfðingjann í Öxará.
2023 Fréttir