Nú er farið að styttast í annan endann á veiðitímabilinu í ár og aðeins fá vatnasvæði enn opin fyrir veiði. Þá veiðimenn sem enn klæjar í puttana að fara að veiða geta skoðað HÉR lista yfir opnunartíma vatnanna.
Elliðavatn í haustlitunum, en vatnið lokaði fyrir veiðar 15. ágúst s.l.
Þetta hefur verið sérstakt sumar í ljósi COVID aðstæðna og Íslendingar hafa verið óvenju duglegir að ferðast um landið og njóta gæðanna, veiða í vötnum og skoða íslenska náttúruparadísir.
Veiði hefur gengið vel í flestum vötnun Veiðikortsins og landeigendur muna varla annan eins fjölda ferðamanna sem hafa sótt vötnin. Fjölmargir ungir veiðimenn hafa komist á bragðið og aðrir endurnýjað kynni sín við vatnaveiðina.
Við þökkum samfylgdina í sumar og það styttist hratt í nýtt veiðitímabil, en það eru ekki nema 190 dagar í að nýtt veiðitímabil hefjist. Til að sytta þá bið hvetjum við veiðimenn til að senda okkur myndir frá sumrinu og jafnvel miðla myndum á samfélagsmiðlunum undir myllumerkinu #veiðikortið
Með veiðikveðju,
Veiðikortið
0 Comments