Sléttuhlíðarvatn er við þjóðveg 76, rétt norðan við Hofsós og er jafnframt um hálftíma akstur frá Siglufirði.

 

Vegalengd frá Reykjavík er um 360 km., 21 km. frá Hofsósi og 50 km. frá Sauðárkróki.

 

Vatnið er 0,76 km2 að stærð og í 14 m. hæð yfir sjávarmáli. 

 

Eingöngu er leyfilegt að veiða í landi Hrauns.  Skilti eru við veiðimörk.

 

Verið er að vinna að uppbyggingu á tjaldsvæði sem ætti að vera komið í gangið fyrir sumarið 2021. Þá býðst korthöfum að kaupa aðgang að tjaldsvæðinu við vatnið hjá veiðiverði á Hrauni. Einnig er hægt að leigja sumarhús nálægt vatninu og brogar sig að panta það með góðum fyrirvara hjá veiðiverði.

 

Í vatninu eru bæði sjógengnir og staðbundnir fiskar. Sjóbleikja og urriði veiðast þar í miklu magni. 

 

Leyfilegt er að veiða frá kl. 8 til kl. 24 eða í samráði við landeiganda (veiðivörð)

 

Veiðitímabilið hefst 1. maí og lýkur því 20. september.

 

Allt löglegt agn: Fluga, maðkur og spónn. 

 

Yfirleitt veiðist best í maí og júní, en þó ágætlega allan veiðitímann.

 

Landeigandi ber enga ábyrgð á tjóni er korthafar Veiðikortsins kunna að verða fyrir, eða öðru sem upp kann að koma í tenglsum við veru veiðimanna á viðkomandi veiðisvæði.

 

Góð umgengni er skilyrði.  Allur akstur um landið skal vera í samráði við landeigenda.  Veiðimenn eru beðnir um að skilja ekki eftir sig rusl. Korthafar þurfa að skrá sig á Hrauni og sýna þarf bæði Veiðikortið og persónuskilríki.  Börn yngri en 14 ára veiða frítt í fylgd með korthafa.

 

Magnús Pétursson á Hrauni, s: 453-7422 eða 618-0402.

 

 

{pgsimple id=18|caption=0|tsize=medium|tmax=20|imax=200|close=1}

 

 

{weather 4}