URRIÐADANS Í ÖXARÁ
Hinn árlegi Urriðadans í Öxará verður laugardaginn næstkomandi 14. október en þá mun Jóhannes Sturlaugsson hjá rannsóknafyrirtækinu Laxfiskum fræða gesti Þjóðgarðsins á Þingvöllum um Þingvallaurriðann. Þetta verður í 15. skiptið í röð sem gangan er haldin.
Mynd frá Urriðadansi Jóhannesar. mynd: Cezary Fijalkowski.
Urriðagangan hefst klukkan kl. 14.00 og fer fram á bökkum Öxarár.
Gönguferðin hefst við bílastæðið (P5) þar sem Valhöll stóð. Síðan er gengið með ánni upp undir Drekkingarhyl þar sem risaurriðar og aðrir minni verða skoðaðir og fjallað um lífshætti þeirra.
Gert er ráð fyrir því að kynningin taki um eina og hálfa klukkustund og fá gestir tækifæri til að sjá risaurriðann í návígi og fræðast um þennan stórhöfðingja Þingvallavatns sem á hverju hausti gengur upp Öxará til hrygningar.
Veðurstofa Íslands spáir frekar svölu veðri (spá frá 10.10.2017) þannig að það er um að gera að klæða sig vel.
Með veiðikveðju,
Veiðikortið
0 Comments