Gíslholtsvatn er í Holtahreppi í Rangárþingi.

 

Frá Reykjavík eru um 85 km að Gíslholtsvatni.  Beygt inn á Heiðarveg nr. 284 frá þjóðvegi nr. 1 rétt austan við Þjórsá.

 

Tvö vötn eru á svæðinu, Eystra og Vestra- Gíslholtsvatn.  Handhafar Veiðikortsins mega aðeins veiða í eystra vatninu að vestanverðu, þ.e.a.s í landi Gíslholts.  Gíslholtsvatn er um 1,6 km2 að flatarmáli og í 65m hæð yfir sjávarmáli.  Mesta dýpt er um 8 m. en meðadýpt um 2,5 m.

 

Veiði er heimil í eystra vatninu, fyrir landi Gíslholts.  Sjá kort.

 

Mögulegt er að fá að tjalda við vatnið í samráði við landeiganda.

 

Staðbundin bleikja og urriði.  Bleikjan er öllu jöfnu nokkuð smá en urriðinn getur verið vel vænn. 

 

Leyfilegt er að veiða allan sólarhringinn.

 

Veiði er heimil frá því að ísa leysir.  Einnig má  stunda dorgveiði í vatninu, þegar svo ber við, í samráði við veiðivörð.

 

Leyfilegt agn er fluga, maðkur og spónn.

 

Nokkuð jöfn veiði er í vatninu yfir sumarið.  Urriðinn tekur yfirleitt sérstaklega vel snemma á sumrin.

 

Veiðimenn eru beðnir um að fara farlega þar sem bakkarnir eru viðkvæmir á sumum stöðum og eitthvað hefur hrunið úr þeim á stöku stað.

 

Vinsamlegast skiljið ekki eftir rusl og stranglega bannað er að aka utan vega.  Handhöfum Veiðikortsins er heimilt að fara beint niður að vatni en hafa Veiðikortið sýnilegt í bílglugga til þæginda fyrir veiðivörð. Lausaganga hunda er bönnuð á svæðinu. Börn yngri en 14 ára veiða frítt í fylgd með korthafa. Veiði úr bátum er bönnuð. 

 

Bryndís Dyrving, Gíslholti, S: 487-6553 /

GSM: 847-5787

 

 

{pgsimple id=14|caption=0|tsize=medium|tmax=20|imax=200|close=1}

 

 

{weather 9}