Syðridalsvatn er í Bolungavík við Ísafjarðardjúp.

 

Leiðin til Bolungavíkur er um 470 km. ef ekið er um Arnkötludal, á bundnu slitlagi frá Reykjavík.  Þaðan eru aðeins nokkrir km til vatnsins.

 

Hér er um mjög gott veiðivatn að ræða. Það er um 1 km2 að stærð og liggur um þrjá metra fyrir ofan sjávarmál. Þangað gengur mikið af sjógengnum fiski, s.s. sjóbleikju, sjóbirtingi og laxi.  Aðal veiðisvæðið er við ósa ánna, sem renna í vatnið.  Á Miðdalsodda og Geirastaðaodda er æðarvarp.  Veiðimenn eru beðnir um að taka tillit til þes og fara ekki þar um frá maíbyrjun og til júníloka.

 

Veiði er heimil í öllu vatninu og meðfylgjandi not eru af nærliggjandi ám, Gilsá og Tröllá.  Ekki má veiða í Ósá, sem rennur úr vatninu, og ekki nær henni en sem nemur merkjum i í Grjótnesi og Vatnsnesi. Hægt er að kaupa sérstaklega veiðileyfi i Ósa fyrir þá sem vilja veiða í henni.  Veiðileyfin í Ósa fást í Shellskálanum í Bolungavík.

 

Í Bolungarvíkurkaupstað er fyrirtaks tjaldsvæði með hreinlætisaðstöðu við iþróttamiðstöðina Árbæ.  Þar eru einnig gistiheimili og möguleiki á íbúðargistingu, sundlaug með vatnsrennibraut og íþróttasalur, ásamt margskonar afþreyingu og þjónustu.

 

Staðbundin bleikja, sjóbleikja, sjóbirtingur og stöku lax.

 

Leyfilegt er að veiða frá kl. 7 til kl. 22.

 

Veiði er heimil frá 1.apríl til 20. september.  Einnig er hægt að stunda dorgveiði í vatninu, þegar svo ber við, í samráði við veiðivörð.

 

Allt löglegt agn:  Fluga, maðkur og spónn.

 

Júlí og ágúst.

 

Lausaganga hunda er stranglega bönnuð.  Vinsamlegast skiljið ekki eftir rusl og stranglega bannað er að aka utan vegar.  Handhafar Veiðikortins þurfa að skrá kortanúmer og kennitölu hjá umsjónarmanni, Arnþóri Jónssyni á Geirastöðum.  Ef enginn er heima, þá er veiðibókin í kassa við tröppurnar á Geirastöðum.  Þar skal skrá veiði dagsins.  Börn yngri en 14 ára veiða frítt í fylgd með korthafa.

 

Arnþór Jónsson, Geirastöðum, S: 456-7118 eða GSM: 897-7370

 

 

{pgsimple id=7|caption=0|tsize=medium|tmax=20|imax=200|close=1}

 

 

{weather 3}