Hólmavatn er á Hólmavatnsheiði, norður af bænum Sólheimum í Laxárdal. 

 

Vatnið er um 180 km frá Reykjavík, eða um 30 km frá Búðardal.  Ekið er um Bröttubrekku í áttina að Búðardal, ef komið er að sunnan. Rétt áður en komið er að Laxá í Dölum er beygt upp Laxárdal á þjóðvegi 59 og ekið áleiðis 24,8 km að bænum Sólheimum þar sem veiðimenn skrá sig.  Þaðan er um 5 km vegur upp á heiði, en hann er ekki greiðfær fólksbílum, þó að hægt sé að aka þar á vel útbúnum og háum fjórhjóladrifsbílum.  Jepplingar og jeppar hentar þar að sjálfsgöðu best.  

 

Hólmavatn er um 1 km2 að stærð og í um 190 m hæð yfir sjávarmáli.

 

Veiða má í öllu vatninu fyrir landi Sólheima.  Veiða má fyrir landi Sólheima, eða frá útfalli austur fyrir vatnið og norður að þeim punkti þar sem Reiðgötuvatn liggur að vatninu – sjá bláa línu á korti.

 

Hægt er að tjalda endurgjaldslaust við vatnið á eigin ábyrgð og í samráði við landeiganda, en þar er þó enga hreinlætisaðstöðu að finna..

 

Góð veiði er í vatninu.  Bæði má finna þar urriða og bleikju, þó að bleikjan sé á undanhaldi.  Algeng stærð fiska er 1-2 pund.

 

Leyfilegt er að veiða frá morgni til kvölds.  Skráning inn á svæðið þarf að vera milli 7:00 og 22:00

 

Veiðitímabilið hefst  ekki fyrr en um miðjan júní, eða þegar vegurinn að vatninu er orðinn fær, og fram til 30. september.

 

Leyfilegt agn er fluga, maðkur og spónn.  Stranglega bannað er að leggja net.

 

Góð veiði er allt sumarið.

 

Veiðimenn verða að skrá sig við komu á bænum Sólheimum áður en haldið er til veiða, en sýna þarf Veiðikortið og skilríki.  Einnig fá veiðimenn veiðiskýrslu, sem þarf að skila útfylltri við lok veiða.  Aðeins er heimilt að koma til veiða milli 7:00 og 22:00.  Öll umferð á mótorhjólum / fjórhjólum er bönnuð nema í samráði við veiðivörð.  Börn yngri en 14 ára veiða frítt í fylgd korthafa.  

 

Daði Einarsson á Sólheimum. S. 863-7702

 

<< Smelltu hér fyrir kort af svæðinu >>

 

 

{pgsimple id=10|caption=0|tsize=medium|tmax=20|imax=200|close=1}

 

 

{weather 2}