Veiðitímabilið hefst á morgun!

Þá er biðin loksins á enda og nýtt veiðitímabil hefst formlega í vötnunum á morgun, 1. apríl. Þá opnar fyrir veiðimenn í Vífilsstaðavatni, Hraunsfirði svo dæmi séu tekin. Endilega kynnið ykkur opnunartíma vatnanna á heimasíðu okkar.

Vorið hefur leikið við okkur og sjaldan eru aðstæður jafn góðar á þessum tíma árs. Fínn lofthiti hefur verið síðustu daga og því má ætla að meiri líkur séu á því að fiskur sé á hreyfingu og á sama tíma meiri líkur á að setja í fisk á opnunardaginn.

Við munum fylgast með gangi mála á morgun og treystum á að veiðimenn upplýsa okkur um aðstæður til veiða.

Vinsælustu vötnin 1. apríl hafa jafnan verið Vífilsstaðavatn, Hraunsfjörður sem og vötnin sem hafa þegar opnað enda opin allt árið eins og Gíslholtsvatn.

Alfreð með flotta vorveiði úr Elliðavatn, en vatnið opnar fyrir veiði 24. apríl næstkomandi.

Góða skemmtun!

Veiðikortið

2025

Febrúarflugur stytta biðina í veiðitímabilið!

Veiðimenn um allt land þekkja þá tilfinningu að bíða spenntir eftir því að veiðitímabilið hefjist á ný. Til að stytta biðina og halda spennunni gangandi hafa margir tekið upp þá skemmtilegu hefð að hnýta flugur, eða Febrúarflugur, þar sem áhugamenn um fluguhnýtingar deila hugmyndum og veita hver öðrum innblástur.

Febrúarflugur er samfélagsverkefni sem hefur notið sívaxandi vinsælda meðal veiðimanna á Íslandi. Hugmyndin er einföld – í febrúar mánuði hnýta þátttakendur flugur og deila myndum á FB síðu Febrúarflugna. Þetta skapar einstaka stemmingu auk þess sem nýjar hugmyndir kvikna og færni í hnýtingum eykst.

Ekki skiptir máli hvort þú sért byrjandi eða lengra kominn í fluguhnýtingum – allir geta tekið þátt og lagt sitt af mörkum. Með því að halda hnýtingarfærninni við og deila þekkingu með öðrum verður biðin eftir veiðitímabilinu skemmtilegri og auðveldari.

Fylgist með Febrúarflugum á Facebook og taki þátt í þessum lifandi og skemmtilega viðburði!

2025 Fréttir