Héðan og þaðan.

Héðan og þaðan

Það má segja að farið sé að síga á seinni hlutann í vatnaveiðinni þetta árið.  Menn eru þó ennþá að fá fiska í vötnunum og hvetjum við veiðimenn til að nýta tímann meðan veðrið er í lagi. 

 Lárus Lárusson fór í Meðalfellsvatn í gær ásamt félaga sínum og fengu þeir 6 urriða sem fengust á Svartan Nobbler og Zulu Nobbler.  Það virðist vera mikið líf í vatninu.  Hér má sjá nokkrar myndir frá Lárusi en þeir veiddu bæði úr bát og frá landi: 

 

 

 

 

 

Einnig fengum við skemmtilegar myndir sem Jóhannes Karls sendi okkur af syni sínum Karli Ými, sem hann fékk í Urriðavatni. 

 

Karl Ýmir með væna bleikjur úr Urriðavatni

 

Einnig fengum við skemmtilega mynd af flundrugildru við Hlíðarvatn í Selvogi frá Sigurgeir Ársælssyni, en hann fór til veiða þar ásamt sonum sínum á opnum degi þann 4. september sl.

 

 

Flundruhindrun í Hlíðarvatni í Selvogi.  Mynd Sigurgeir Ársælsson.

 

Lítið hefur borist af fregnum frá veiðimönnum upp á síðkastið en þó höfum við heyrt af veiðimönnum sem hafa verið að fá fiska á Þingvöllum, vötnunum í Svínadal og Kleifarvatni.

Einnig viljum við minna veiðimenn á að nota www.veidibok.is og bóka afla þar en þar er skemmtilegt að halda utan um veiðiferðir með myndum og aflatölum.

 

Með veiðikveðju,

Veiðikortið