Ölversvatn (vatnasvæði Selár)  er á Skagaheiði, í Skefilsstaðahreppi í Skagafirði.

 

Ölvesvatn er hið langstærsta á vatnasvæði Selár, en einnig má veiða í Fossvatni, Selvatni, Grunnutjörn, Andavatni og Stífluvatni, Eiðsá, Fossá, auk lækja sem renna á milli vatna. Ölvesvatn er um 2,8 km2 að stærð og nokkuð djúpt.    

 

Fjarlægð er um 366 km. frá Reykjavík og 40 km. frá Sauðárkróki.  Afleggjarinn frá Hvalnesi er um 6 km. jeppavegur að Ölvesvatni.  

 

Veiði er heimil á öllu vatnasvæðinu, þ.e.a.s. Ölvesvatni, Fossvatni, Selvatni, Heyvötnum, Grunnutjörn, Andavatni, Stífluvatni, Eiðsá, Fossá , auk lækja sem renna á milli vatna. 

 

Hægt er að kaupa leyfi til að tjalda á Hvalnesi auk þess sem að við Ölvesvatn er hægt að leigja tvö aðstöðuhús með eldunar- og gistiaðstöðu fyrir allt að 6 manns í hvoru húsi. Þar er einnig kamar. Aðstöðuhúsin þarf að panta með fyrirvara hjá umsjónarmanni í Hvalnesi í s: 453-6520 eða GSM: 821-6520 eða senda tölvupóst á netfangið: hvalnes730@simnet.is.

 

Á vatnasvæðinu er bæði bleikja og urriði.  Mikið er af ½ – 3 punda fiski á vatnasvæðinu, ásamt urriða, sem getur orðið allt að 6-7 pund. 

 

Heimilt er að veiða allan sólarhringinn.

 

Veiðitímabilið veltur öllu jöfnu á veðri, en yfirleitt er ekki orðið fært upp að vatni fyrir en seinnihluta maí og stendur veiðitíminn yfirleitt fram í miðjan september, en þá veiðist minna af bleikju.

 

Leyfilegt agn er fluga, maðkur, makríll og spónn. Góð aðstaða er til fluguveiða.  

 

Veiði er nokkuð jöfn yfir daginn.  

 

Aðgengi að veiðisvæðinu er takmarkað og öruggara að panta veiðleyfi fyrirfram til að tryggja sér aðgang. Bókanir með aðstöðuhúsi njóta forgangs. Handhöfum Veiðikortsins ber að skrá sig í Hvalnesi og fá lykil að svæðinu. Sýna þarf Veiðikortið og skilríki. Netaveiði er stranglega bönnuð svo og meðferð skotvopna.  Einnig er stranglega bannað að skilja eftir sig rusl og aka utan vega.  Börn yngri en 14 ára veiða frítt í fylgd með korthafa.  Í Hvalnesi fá veiðimenn veiðiskýrslur til útfyllingar og upplýsingar um svæðið.  Veiðiskýrslum og lyklum ber að skila við lok veiða í Hvalnesi. Einnig þaf að ganga frá leyfi til að tjalda á bænum ætli menn að vera yfir nótt.  ATH. að svæðið er lokað fyrir öðrum en þeim sem hafa veiðileyfi/kort og börnum í fylgd korthafa undir 14 ára aldurs, þ.e.a.s. að fullorðnum einstaklingum er óheimilt að fara inn á svæðið nema með veiðileyfi eða Veiðikortið.

 

Bjarni Egilsson og fjölskylda á Hvalnesi, S: 453-6520.

 

{pgsimple id=15|caption=0|tsize=medium|tmax=20|imax=200|close=1}

 

 

{weather 4}