Veiði hófst í Hraunsfirði 1. apríl síðastliðinn. Frá þeim tíma hefur verið mjög kalt og því fáir veiðimenn nýtt sér vikuna sem nú er að líða.
Hann Þorgils Bjarni Einarsson kíkti í Hraunsfjörðinn 1. apríl og þá var orðið íslaust en það snjóaði hressilega á hann meðan hann var við veiðarnar. Hann nefndi í spjalli okkur að það væri mikill fiskur í lóninu og hann veiddi fallegan sjóbirting sem var greinilega í miklu æti því hann var með stórt síli í maganum. Sjóbirtingurinn tók svartan nobbler.
Hér fyrir neðan má sjá myndir af sjóbirtingnum sem Þorgils fékk bæði nýveiddum og þegar sjá má sílið í maga fisksins.
Pattaralegur sjóbirtingur sem Þorgils fékk í snjókomu í Hraunsfirði
1. apríl 2018 á svartan nobbler.
Hér má sjá að birtingurinn er í fínu æti í Hraunsfirði.
Það mætti því segja að það verði spennandi fyrir veiðimenn að kíkja í Hraunsfjörðinn þegar það hitnar aðeins.
Af öðrum vatnaðsvæðum er frekar rólegt yfir, enda enn frekar kalt.
Með veiðikveðju,
Veiðikortið
0 Comments