Þveit er í Nesjahreppi í Austur-Skaftafellssýslu.

 

Þveit er í um 450 km. fjarlægð frá Reykjavík og um 10 km. frá Höfn í Hornafirði. Vatnið liggur við þjóðveg 1,  þannig að aðgangur er auðveldur.

 

Vatnið er 0,91 km2 að flatarmáli, 2 m. hæð yfir sjávarmáli.  Myllulækur og Skrápslækur renna í vatnið og Þveitarlækur úr því.  Fiskgengt er á milli vatns og sjávar þannig að sjóbirtingur á þangað greiða leið.

 

Heimilt er að veiða í landi Stórulágar, sem ræður yfir u.þ.b. helmingnum af vatninu.  Veiðsvæðið má betur greina á tilfallandi korti.

 

Næsta gisting, Fosshótel Vatnajökli, er í um 2 km. fjarlægð frá Þveit.  Víða er að finna gistiaðstöðu í nágrenninu.

 

Í vatninu finnst bleikja, urriði, sjóbirtingur og sjóbleikja.

 

Leyfilegt er að veiða frá kl. 10.00 til kl. 22.00.

 

Veiðitímabil stendur yfir frá 1. apríl til 30. september.

 

Allt löglegt agn: Fluga, maðkur og spónn.

 

Vor og haust.

 

Einungis má veiða í landi Stórulágar.  Ekki er heimilt að veiða í útfalli Þveitarlækjar, sem er sameign Stórulágar og Stapa.  Óheimilt er að vera með hunda við vatnið og notkun báta er óheimil án leyfis landeiganda.  Veiðimenn þurfa ekki að skrá sig en vera með Veiðikortið tilbúið til að sýna veiðiverði.  Mikið fuglalíf er við vatnið og stranglega bannað er að raska ró þeirra. Jafnframt ber veiðimönnum skylda til að ganga snyrtilega um og aka ekki utan vega.  Börn yngri en 14 ára veiða frítt í fylgd með korthafa. 

 

Sigurður Sigfinnsson á Stórulág hefur umsjón með vatninu.  Stórulág er staðsett um 2 km. norður af vatninu.  s: 478-1353.

 

 

{pgsimple id=9|caption=0|tsize=medium|tmax=20|imax=200|close=1}

 

 

{weather 6}