Á Þórisstöðum í Svínadal í Hvalfjarðarsveit er boðið upp á veiði í þremur stöðuvötnum. 

 

 

Frá Reykjavík eru 82 km, sé farið um Hvalfjarðargöng og 27 km frá Akranesi.  Fyrir íbúa höfuðborgarsvæðisins er tilvalin tilbreytni að keyra Hvalfjörðinn, en sú leið tekur u.þ.b. 15 mín. aukalega..

 

 

Vötnin eru Geitabergsvatn, Þórisstaðavatn og Eyrarvatn. Þau er öll hluti af vatnasvæði Laxár í Leirársveit. Lax gengur í vötnin og silungur er þar staðbundinn, bæði bleikja og urriði.  Þórisstaðavatn er þeirra stærst, 1,37 km2 að stærð og liggur 71 m hæð yfir sjávarmáli.  Mesta dýpt vatnsins er um 24 m.  . 

 

 

Allt Geitabergsvatn, allt Þórisstaðavatn og norðanvert Eyrarvatn. 

 

 

Á svæðinu er skipulagt tjaldsvæði með snyrtiaðstöðu sem hægt er að kaupa aðgang að. Næsta gistiþjónusta er að Tungu í Svínadal og á Hótel Glym. Einnig er hægt að leigja sumarhús og ferðavagn á Þórisstöðum. Sjá nánari upplýsingar neðar.

 

 

Mest veiðist af urriða í vötnunum, en einnig bleikju. Lax veiðist stöku sinnum. Silungar geta orðið mjög vænir..

 

 

Leyfilegt er að veiða frá kl. 07.00 til kl. 23.00.  Aðeins má veiða til kl. 21.00 eftir 20. ágúst.

 

Frá byrjun 1. apríl og fram til 25. september.

 

Leyfilegt agn er fluga, maðkur og spónn.

 

Nokkuð jöfn veiði yfir veiðitímabilið.

 

 

Þórisstaðir eru í eigu Stjá (Starfsmannafélags Íslenska Járnblendifélagsins), en eru í útleigu til einkaaðila. 

Mjög gott aðgengi er að vötnunum og henta þau því mjög vel fyrir fjölskyldufólk og fatlaða.  Í næsta nágrenni má finna golfvöll, hótel, sveitakrá, hestaleigu, sundlaug og sölubúð.

 

 

Veiðileyfi í vötnunum gilda ekki í ánum, Þverá og Selós. Öll umferð um árnar er stranglega bönnuð og eru þær vel merktar.  Korthafar eiga að skrá sig á Þórisstöðum og sýna þar Veiðikortið og persónuskilríki.  Veiðimenn eru beðnir um að skilja ekki eftir sig rusl og akstur utan vega er stranglega bannaður. Börn yngri en 14 ára veiða frítt í fylgd með korthafa.

 

Veiðivörður:

 

{pgsimple id=3|caption=0|tsize=medium|tmax=20|imax=200|close=1}

 

 

{weather 9}