Category: 2011

Mikið líf er komið í vatnaveiðina og langþráð bið eftir bleikjunni í Úlfljótsvatni, Þingvallavatni og víðar er á enda.  Menn hafa verið að fá flotta veiði í báðum vötnunum síðustu daga.  Einnig er búið að vera mjög góð veiði í Hraunsfirði, Svínavatni og Skagaheiði fyrir norðan og Kleifarvatni. (sjá myndasyrpu fyrir neðan frá Úlfljótsvatni og Skagaheiði).  Einnig viljum við minna veiðimenn á að Veiðidagur Fjölskyldunnar er á sunnudaginn.

Veiðin hefur verið að aukast í vötnum landsins með hækkandi lofthita.

Steingrímur Valgarðsson er búinn að fara nokkrar ferðir í Kleifarvatnið og hefur verið að ná í fína urriða.

10. jún. 2011

 

Fín bleikjuveiði í Hópinu

Flest veiðivötn hafa farið heldur seinna á stað en venjulega sökum kulda.  Hópið er það engin undantekning en það virðist sem að það sé eitthvað að taka við sér.  Ólafur Sigfús Benediktsson frá Blönduósi sendi okkur fregnir og myndir og við gefum honum bara orðið en myndirnar eru fyrir neðan:

Tómas Skúlason, betur þekktur sem Tommi í Veiðiportinu, fór ásamt félaga sínum Erni, sem kenndur er við Útilíf, í tveggja daga veiðiferð á Þingvelli.  Þeir gistu í hjólhýsi og ferðuðust þaðan vítt og breitt um vatnið til að prófa sem flesta staði.

Hraunsfjörður hefur verið að gefa vel upp á síðkastið og við fengum smá fréttir frá Adam Lirio og þökkum við honum fyrir að deila því með okkur sem og fyrir myndirnar.  Gefum honum orðið:

"Skemmst er frá því að segja að þriðjudaginn 31. maí fórum við fjölskyldan að veiða í Hraunsfirðinum. Ágætis veður var á staðnum

Einar Guðnason, yfirkennari hjá Veiðiheim var fyrir norðan og prófaði Kringluvatnið á leið sinni.  Hér má lesa söguna og sjá myndirnar.   Þar má sjá að ennþá ræður vetur konungur ríkjum þrátt fyrir að júní sé á næsta leiti.  Gefum Einari orðið:

Bleikjan er mætt í Hraunsfjörðinn og fengu félagarnir Atli Bergman og Þórir Trausta fína veiði þar um helgina.

Hér fyrir neðan er mynd af Atla Bergmann sem tekin var um helgina í Hraunfirðinum.

Hann Sverrir Árni Benediktsson (10 ára) fór ásamt Benedikt föður sínum í Úlfljótsvatn síðastliðinn fimmtudag.  Hann fékk þessa þessa glæsilegu urriða, 9 og 7 punda, þar og má ætla að veiðimaðurinn sé kominn með veiðibakteríuna á hátt stig eftir baráttu við þessa stóru urriða.

Veiðimaðurinn Gísli P skellti sér í Kleifarvatnið fyrir fáeinum dögum.  Þar fékk hann  um þriggja punda urriða sem honum þótti nú ekki mjög þykkur á kviðinn eða hreinlega frekar mjósleginn.

Þegar heim var komið opnaði hann fiskinn og kannaði Gísli hvað væri í maga hans.  Þá kom í ljós að þessi ca. 3 punda urriði þessi hafði gleypt hagamús í heilu lagi eins og sjá má á meðfylgjandi mynd.

Samkvæmt heimildum eiga hagamýs það til að synda í flæðamáli vatna og eru því auðveld bráð urriða sem leitar upp á grunnið í ætisleit.   Algengar er þó að mýs lendi í kjafti urriða í ám og lækjum.  Mörg dæmi eru t.d. um að urriði í Laxá í Mývatnssveit hafi verið með mús í maga.

Vel hefur gengið í urriðaveiðinni síðustu daga.  Mest hefur borið á stórum urriðum í Þingvallavatni, en einmitt er góð von á þeim stóra í t.d. Úlfljótsvatni, Kleifarvatni, Baulárvallavatni og Ljósavatni fyrir norðan sem og Kringluvatni í Reykjahverfi, en í þessum vötnum eru skilyrði þannig að urriðinn virðist nærast vel í kjöraðstæðum enda eru þar sem stofnar eru í vexti.  Veiðimenn eru farnir að fá eina og eina bleikju á Þingvöllum þannig að það er margt spennandi í boði fyrir veiðimenn þessa dagana.