Veiðisvæði

Staðsetning:

Ljósavatn er í Ljósavatnsskarði, Suður-Þingeyjarsýslu, rétt austan við Akureyri.
 

Leiðarlýsing og fjarlægð frá Reykjavík og næsta nágrenni.

Ekið er í gegnum Akureyri í átt til Húsavíkur. Vatnið er í um 40 km fjarlægð frá Akureyri og um 430 km frá Reykjavík sé ekið um Hvalfjarðargöng.
 

Upplýsingar um vatnið:

Ljósavatn er í 105 m hæð yfir sjávarmáli og mælist um 3,2 km2 að flatarmáli. Mesta dýpi er um 35m og er meðaldýpi um 10 m. Það er mjög vinsælt meðal veiðimanna og mjög hentugt fyrir fjölskyldur. Þjóðvegur 1 liggur meðfram vatninu. Í Ljósavatn falla margir lækir og má þar nefna Geitá og Litlutjarnalæk, en úr vatninu fellur Djúpá.
 

Veiðisvæðið:

Heimilt er að veiða í öllu vatninu.
 

Gisting:

Ekki er heimilt að tjalda við vatnið nema í samráði við landeigendur. Engin hreinlætisaðstaða er á svæðinu.
 

Veiði:

Í vatninu fæst einkum bleikja sem er yfirleitt 0,5 – 1,5 pund. Einnig er töluvert af urriða í vatninu og getur hann orðið vænn.
 

Daglegur veiðitími:

Veiðitími er frjáls.
 

Tímabil:

Veiðitímabilið stendur yfir frá 20. maí til 30. september.
 

Agn:

Allt löglegt agn: Fluga, maðkur og spónn.
 

Besti veiðitíminn:

Jafnan veiðist best á vorin, frá maí og fram í miðjan júlí.
 

Reglur:

Korthöfum er skylt að skrá sig hjá veiðiverði og fá afhenta veiðiskýrslu sem þarf að skila við lok veiði. Veiðimenn og útivistarfólk er vinsamlegast beðið að ganga vel um svæðið. Óheimilt er að aka utan vega. Börn yngri en 14 ára veiða frítt í fylgd korthafa.
 

Veiðivörður/umsjónarmenn á staðnum:

Sigurður Birgisson og Hulda Svanbergsdóttir, Krossi GSM: 894-9574 og 868-1975. Helgi Ingason, Vatnsenda GSM: 692-8125 og 464-3249.
 
 
 
 


View Larger Map